كنت عايشة مع خالتي

كنت عايشة مع خالتي من وأنا طفلة صغيرة بعد وفـ,ـاة أمي وأبويا في حـ,ـادثة، وفضلت معاها لحد ما بقى عندي ٢٥ سنة كاملين، كانت هي الأم والأب وكل حاجة ليا في الدنيا، لدرجة إن أولادها كانوا بيغيروا مني لأنها كانت بتعاملني معاملة خاصة جدًا بعيدا عنهم..

ياما حاولوا يمشوني ويعملوا فيا مقالب صعبة بس خالتي كانت حاطة شرط قاسي أوي، إني يوم ما همشي من الشــ,قة هي هتمشي معايا، وانهاردة بس خالتي مشيت من الشــ,قة، بس مشيت لدار الحق، وكنت عارفة إن بعد مراسم العزاء أول حاجة هتتعمل هي طــ,ردي من الشــ,قة وكفاية عليا أوي كدا..

عشان كدا جمعت حاجتي كلها وجمعت المبلغ اللي خالتي ادتهوني من فلوس كانت بتحوشها ليا عشان أقدر استأجر شـــ,قة وأعيش فيها لأنها كانت على يقين إني مش هكمل بعد وفـ,ـاتها، وفعلًا بناتها لما لقوني جمعت حاجتي ضحكوا وأنا مستنتش لحظة واحدة ومشيت من المكان كله..

وربنا أكرمني وخدت شــ,قة كويسة في مكان شعبي أعيش فيها ودفعت إيجار ٣ شهور وبدأت أشوف حياتي هتمشي ازاي بعد ما بقيت لوحدي تمامًا، اشتغلت أكتر من شغلانة بس للأسف كنت بمشي منهم بسرعة، مرة حد يعتـ,ـدي عليا، مرة أحس بالقلق من صاحب الشغل، مرة اتهان بدون أسباب، وبدأت أشوف الدنيا قاسية أوي ومبقتش عارفة هروح فين ولا ممكن أعمل أيه في حياتي..

لحد ما جتلي زيارة قاسية أوي من بنات خالتي، وقالولي إنهم عرفوا إني خدت مبلغ من خالتي قبل مـ,ـوتها وإن ده حقهم، وهـ,ـددوني لو مرجعتش الفلوس أو اللي باقي منها هيـ,ـأذوني، وواحدة منهم كان جوزها محامي قالي إنه هيعملي محضر ويحبسني، بكيت قدامهم يمكن يرحموني بس كنت شايفة شـ,ـياطين قدامي، قلتلهم إني دفعت منهم ٣ شهور إيجار وصرفت منهم، قالولي أجيب الباقي وهيسيبوني في حالي..

فعلًا رجعتلهم الباقي واتفاجئت إني مش معايا أي فلوس أعيش منها، وكمان شهر واحد وهبقا مطالبة بعد كدا بدفع الإيجار، وفضلت أجري وأدور على شغل لحد ما واحدة دلتني على شغل في كوافير بيدفع مبالغ كويسة ومش شرط خبرة..

جريت على هناك في نفس اليوم وقابلت صاحبة الكوافير، ست كبيرة وتحس إنها سرحانة ومش مركزة في كلامها وبتتكلم بصعوبة، أول ما شافتني وافقت بيا واتفقنا على مبلغ كويس أوي، وفعلًا بدأت شغل معاها ومع بنتين كمان معاها، عرفت إن الشقة اللي فوق الكوافير بتاعت الست وعايشة فيها، وعرفت إن الست مريضة نفسيًا ومش متزنة بس شهادة لله كانت بتتعامل باحترام كامل معانا..

ومن وقت للتاني أثناء الشغل كنت بلاحظ إن الست بتكلم نفسها، بتركز مع الفراغ، وأوقات كتير كانت بتبص بسرعة ناحية مكان ما وكأنها شايفة حاجة بتجري أحنا مش شايفنها، البنات كانوا بيشتغلوا ٥ أيام وأنا طلبت اشتغل ٧ أيام كاملين لأني فعلًا محتاجة الفلوس بسبب الإيجار اللي عليا وكمان كنت بتعالج من تعب مستمر في بطــ,ني وبحتاج أدوية باستمرار..

وكنت بحاول فوق الشغل أراعي الست واهتم بيها وتحديدًا في اليومين اللي كنت ببقا فيهم لوحدي في الكوافير وأوقات كتير كنت بطلب منها تطلع ترتاح في شقــ,تها وأنا اهتم بالكوافير والزباين والفلوس، وكانت بتسمع كلامي فعلًا وتطلع شقــ,تها..

ومع الأيام بدأت تثق فيا وتحكي معايا، وكانت بتقولي إنها محتاجة حد يعملها أكل لأنها مريضة وينضفلها شقــ,تها ويهتم بيها، وبدون تفكير قولتلها إني ممكن أعمل كدا، ولما عرفت ظروفي والإيجار الكبير اللي بدفعه عرضت عليا أعيش في الشــ,قة اللي فوق الكوافير لأنها هتقعد فترة مع أختها ومش عايزة تكون الشـــ,قة فاضية وكمان مش هتاخد مني أي إيجار، فضلت أفكر بس مدتنيش فرصة وخلتني فسخت عقد الإيجار وطلعت الشـــ,قة نضفتها وسكنت فيها في يوم وليلة..

وكمان بقت بتديني أجازات وراحة كتير من وقت للتاني وبقت بتزود مرتبي وبتديني مكافآت كتير، لدرجة إني حسيت إن الدنيا أخيرًا ضحكتلي تاني، وكان اهتمامها الوحيد إني مسبش الشــ,قة أبدًا مهما حصل وأهتم بالكوافير في اليومين اللي البنات بياخدوا فيهم أجازة، وكدا كدا هما يومين مبيجيش فيهم زباين غالبًا لأنهم في نص الغاسبوع والشغل بيكون هادي تمامًا..