القصة الكاملة لمريض عاد للحياة 3 مرات
“روح يابني ربنا يرجعك من المو ت بعد ما ياخدك !!! ” الكلمات دي كانت أغرب دعوة سمعتها في حياتي كلها هحكيلكم قصتها واللي حصل معايا بعدها كنت في زيارة لمستشفى 57357 وكان معانا ألعاب للأطفال وفيه سيدة باين عليها التعب والارهاق والطيبة والأصالة الست دي طلبت لعبه لابنها فواحد من التيم اللي كان معايا ادالها اللعبه ، فقالتلوا ممكن لعبة تانيه لأخوه الصغير
فقالها طيب يا ماما نطلع المستشفى علشان العدد كبير فوق ولما ننزل من عنيا الاتنين لو زاد معانا هدي لحضرتك
المهم الست ظهر عليا الحزن شويه فتركت التيم يطلع قدامي ورجعتلها ندهت عليا اديتها لعبه كمان و2 كاب وقولتلها ادي لعبه لاخوة الصغير وكمان طاقيتين
ابتسمت ابتسامه وعيونها مليانه دموع وقالتلي
روح يابني زي ما جبرت بخاطري وخاطر ولادي اليتامى روح ربنا يرجعك من المىوت بعد ما ياخدك
سمعت الدعوة واستغربت منها أول مرة أسمعها حرفياً
قولتلها إيه الدعوة ده يا أمي قالتلي دعوة من ست غلبانه خدها مني وسور
مشيت وأنا بفكر في الدعوة
بعدها بأيام كان عندي جرعة كيماوي ، دخلت المستشفى وبعد بدء الجرعة دخلت في اريستيد وحالتي اتدهىورت جدا جدا خلال وقت بسيط جداً
نقلوني قسم الصدر وحطوني على تنفس صناعي
عاوزكم تتخيلوا اللي حصل معايا
اتصلوا بأخويا وأهلي وقالولهم تعالوا المستشفى حالا علشان عمر تعب ولاظم تستلموا متعلقاته
أخويا حضر المستشفى كل اللي سامعه من الدكاترة لما يسألهم أو التمريض ادعيلوا ربنا يتولاه إحنا مش بأيدينا حاجه تاني نعملها ادعيلوا
انهار أخويا وبدأ يزعق علشان يسعفوني بأي شكل
واحد من التمريض قاله انزل خلص إجراءات ثلاجة المىوتى علشان أخوك عمر ميتبهدلش
يا الله على الكلمة أخويا سمع الكلمة وانهار اكتر
الأجهزة وقفت وبدأت عملية الانعاش والصذمىات الكهربائية
حطوني تاني على الأجهزة وسابوني وتركوا أمرهم لله
بعد وقت بسيط بلغوهم إني انتهيت وشويه وهينقلوني للثلاجه
والكل بيستعد لكده وفجأة!!!!!
الأجهزة ترجع تشتغل والقلب ينبض وأنا فوقت مره واحده في صذمة شديدة وحالة هستيرية لدرجة إني نىزعت جهاز التنفس الصناعي والأجهزة على جسمي
ربطوني وأنا بحاول أتكلم لساني متخىدر
أول كلمة نطقتها ” هو أنا عايش لسه ؟ “
كله في نفس واحد ايوة عايش وهتبقى زي الفل
خرجت من المستشفى والجرعة اللي بعدها حصل نفس الموضوع باختلاف تفاصيل بسيطة
والجرعة اللي بعدها نفس النظام والوضع
دكتور دخلي آخر مرة وقالي إيه السر اللي بينك وبين ربنا علشان كل مرة تدخل فيها يحصل كده ونقول خلاص إنك انتهيت وفي لحظة واحدة ترجع تاني وتفوق
جاء في زهني كلمة واحدة بس ” روح يابني زي ما جبرت بخاطري وخاطر ولادي اليتامى روح يابني ربنا يرجعك من المو ت بعد ما ياخدك “
قسماً بالله الدكتور سمع كلماتي ومقدرش يحبس دموعه
واتاكدت في وقتها إن جبر الخواطر عبادة ونعمة عظيمة لا يعلم قدرها إلا الله
وصدق من قال جبر الخواطر على الله
وإن فعلاً الدعاء يغير القدر مهما كانت شدته
أجبروا خواطر اللي حواليكم حتى لو بكلمة وانتظروا الأجر من رب العالمين
فرب الخير لا يأتي إلا بالخير